Ab ye sochon tu bhanwar zehen mein parr jatay hain

Ab ye sochon tu bhanwar zehen mein parr jatay hain 
kaisy chehry hain jo miltay hain bichar jatay hain 

q tere dard ko dein tuhmat weerani-e-dil ?
zalzalon mein tu bhary shehr ujarr jatay hain 

mausam-e-zard mein ek dil ko bachaon kaisy ?
aisi rut mein tu ghanay pairr bhi jharr jatay hain

ab koi kia mere qadmon ki nishani dhonday ga?
tez aandhi mein tu khaimay bhi ukharr jatay hain

shughl-e-arbaab-hunar pochtay kia ho k ye log?
pathron mein bhi kabhi aainay jarr jatay hain

soch ka aaina dhundla ho tu phr waqt k sath?
chaand chehron k khadukhal bigharr jatay hain

shidat-e-gham mein bhi zinda hon tu hairat kaisi?
kch diye tund hawaon se bhi larr jatay hain 

wo bhi kia log hai MOHSIN jo wafa ki khatir?
khud tarasheeda asoolon pe bhi arr jatay hain

Advertisements